Мінск, вул. Веры Харужай 3, офіс 601
+375 33 361 57 48
Стаць сябрам Меню Зарэзерваваць зал

EFJ запрашае да ўдзелу ў неканферэнцыі «Стварэнне еўрапейскага дапаможніка па медыяпісьменнасці для рэдакцый» у Брусэлі

Еўрапейская федэрацыя журналістаў запрашае прыняць удзел у неканферэнцыі «Стварэнне еўрапейскага дапаможніка па медыяпісьменнасці для рэдакцый», якая пройдзе ў Брусэлі 6 лістапада 2018 года.

Еўрапейская федэрацыя журналістаў прымае ўдзел у новым праекце пры падтрымцы Еўрапейскай камісіі, сумесна з Глабальнай сеткай рэдактараў (GEN вядучы партнёр), Асацыяцыяй выдаўцоў Партугаліі (APImpressa) і Форумам журналістаў і СМІ FJUM.

Праект накіраваны на аднаўленне даверу да рэдакцый і прасоўванне медыяпісьменнасці. Гэта будзе дасягнута за кошт шэрагу «неканференцый» — канферэнцый з вялікай доляй гнуткасці, на якіх адбываецца шэраг дэбатаў адпаведна патрэбам і запытам удзельнікаў мерапрыемства.

Больш падрабязную інфармацыю можна знайсці тут.

ЕФЖ адказвае за правядзенне другой неканферэнцыі, якая адбудзецца 6 лістапада 2018 года ў Брусэлі. Як журналісты ўзаемадзейнічаюць з карыстальнікамі медыя-кантэнту, як яны могуць дапамагчы спыніць распаўсюд дэзінфармацыі і якія інструменты могуць дапамагчы ім у гэтым? Вынікі гэтай сустрэчы лягуць у аснову распрацоўкі дапаможніка па медыяпісьменнасці, якімі будуць карыстацца рэдакцыі па ўсёй Еўропе.

РЭГІСТРАЦЫЯ   

З -за абмежаванай колькасці месцаў арганізатары просяць зарэгістравацца па гэтай спасылцы: https://www.surveymonkey.com/r/3KXSLGX

Сакратарыят пакідае за сабой права адбору ўдзельнікаў. Будуць абраныя толькі прафесіяналы, якія маюць вопыт/цікавасць да пытанняў медыяпісьменнасці.

  • Апошні тэрмін рэгістрацыі - 1 кастрычніка 2018

  • Працоўная мова - англійская

  • Выдаткі на праезд і пражыванне будуць кампенсаваныя.

Крыніца: Прэс-служба ГА "Беларуская асацыяцыя журналістаў"

Партнёры прэс-клуба