Пра нас

Прэс-клуб – гэта пляцоўка для прафесійнага развіцця медыясупольнасці. Гэта нефармальнае аб'яднанне медыяпрафесіяналаў, ўсіх тых, хто жадае ўдасканаліць журналісцкія ўменні і працаваць у рытме прафесійных стандартаў і трэндаў. Мы адкрытыя для ўсіх, хто хоча развівацца, мае магчымасць і жаданне падзяліцца сваім досведам з калегамі.

Місія Прэс-клуба

• Захаваць прафесію журналіста ва ўмовах падзення яе аўтарытэта і эканамічнай прывабнасці - да моманту, калі стане магчымай значная сацыяльна-палітычная, эканамічная трансфармацыя Беларусі.

• Стымуляваць фармаванне канкурэнтнага медыярынка.

• Насычаць даверам дыскусію розных актараў на рынку напярэдадні і падчас пераўтварэнняў.

Прэс-клуб заснаваны ў 2011 г. Акт заснавання Прэс-клуба быў падпісаны 23 журналістамі, галоўнымі рэдактарамі і выдаўцамі беларускіх СМІ ў чэрвені 2012 г. У чэрвені 2014 Прэс-клуб стаў сябрам Міжнароднай асацыяцыі Прэс-клубаў – International Association of Press Clubs (IAPC). У лістападзе 2015 у Беларусі была зарэгістраваная культурна-асветніцкая ўстанова «Журналісцкая майстэрня Прэс-клуб».

Акт заснавання Прэс-клуба падпісалі:
Аксана Колб, Аляксандр Коктыш, Аляксандр Ліпай, Аляксандр Старыкевіч, Аляксандр Уліцёнак, Аляксей Дзікавіцкі, Аляксей Кароль, Анатоль Букас, Валянцін Жданко, Віктар Валадашчук, Віктар Марчук, Вольга Карач, Дзмітрый Новікаў, Жанна Літвіна, Іосіф Сярэдзіч, Людміла Атчанашанка, Марыя Эйсмант, Мікалай Аляксандраў, Пётр Марцаў, Таццяна Піскур, Уладзімір Янукевіч, Юлія Слуцкая, Press Club Polska і іншыя.

Раду Прэс-клуба абраў сход рэдактараў, якія падпісалі Акт заснавання Прэс-клуба. У Раду ўваходзяць: Юлія Слуцкая, Аляксандр Старыкевіч, Аляксандр Манцэвіч, Марына Загорская, Аляксандр Уліцёнак, Таццяна Нетбаева.
 

• Адкрытыя лекцыі ад лепшых сусветных медыяпрафесіяналаў.
• Майстар-класы, распрацаваныя экспертамі медыя.
• Медыятокі, абмеркаванне актуальных праблем медыясферы.
• Прэс-канферэнцыі з удзелам замежных экспертаў і дыпламатаў.
• Адкрытыя лятучкі,  сустрэчы чытачоў і рэдакцый новых медыя, актывістаў.
• Медыясняданкі наведваюць журналісты і прафесіяналы іншых грамадзянскіх інстытутаў для нетворкінга і супрацоўніцтва.
• Экспертна-аналітычныя клубы, закрытыя сустрэчы медыясуполкі і экспертаў.
• Круглыя сталы, падчас якіх абмяркоўваюцца спрэчныя пытанні.

І шмат іншых падзей - сачыце за івэнтамі Прэс-клуба!

Прэс-клубы розных краін ажыццяўляюць абмен вопытам і развіццё прафесійных зносін паміж медыяспецыялістамі.

Прэс-клуб прадстаўляе выключныя каштоўнасці для супрацоўнікаў сферы медыя, напрыклад, адукацыйныя магчымасці і рэсурсы для рэалізацыі аўтарскіх праектаў.

Даведацца болей пра суполку можна тут.

Можна:
- падпісацца на рассылку 
- далучыцца да нас у сацсетках: Facebook, Telegram, Vkontakte, Instagram