Семінар для маладых журналістаў у Германіі

Праграма прыгатавана для маладога пакалення журналістаў і рэдактараў узростам 18 — 26 гадоў.

Семінар для маладых еўрапейскіх журналістаў М100 (10-19 верасня 2018) — частка абноўленай штогадовай міжнароднай медыя канферэнцыі M100 Sanssouci Colloquium ў Патсдаме, Германія. Акрамя развіцця практычных і тэарэтычных ведаў у галіне журналістыкі і журналісцкай дзейнасці, мэта семінара — усталяваць кантакт і доўгатэрміновыя адносіны. Працоўная мова семінара — англійская. Удзельнікі наведаюць міжнародную медыя канферэнцыю M100 Sanssouci Colloquium.

Арганізатары аплочваюць транспартныя выдаткі, пражыванне і харчаванне. 

У 2018 годзе семінар прысвечаны тэме: «Журналістыка і палітычная адукацыя ў сацыяльных сетках». Палітычныя думкі ўсё больш і больш фармуюцца ў сацыяльным асяроддзі. Заяўка складаецца з эсэ, CV і матывацыйнага ліста. Мова дакументаў — англійская.
Дэдлайн — 12 чэрвеня 2018.

Інструкцыі па напісанні эсэ:

• Коратка апішыце тэрмін «палітычная адукацыя ў сацыяльных сетках».
• Апішыце магчымасці і абмежаванні палітычнай адукацыі ў вашай краіне, выкарыстоўваючы канкрэтныя выпадкі.
• Падайце свае ідэі праекта.
• Максімальная колькасць знакаў з прабеламі — 6000.
• Абраныя кандыдаты будуць запрошаныя на сумоўе праз Skype.
• Заяўкі прымаюцца на пошту s.wellek@m100potsdam.org (Sophia Wellek).

Крыніца