Мінск, вул. Веры Харужай 3, офіс 601
+375 33 361 57 48
Стаць сябрам Меню Зарэзерваваць зал

Магчымасць удзелу ў Кангрэсе інфармацыйных сайтаў і навінавых парталаў у Кіеве (заяўкі да 18 жніўня)

Дзе: 
Украiна
Дата падзеі: 
28.10.2016 (Цэлы дзень)
Дэдлайн падзеі: 
18.08.2016

Магчымасць узяць удзел у XIII Кангрэсе інфармацыйных сайтаў і навінавых парталаў, які адбудзецца ў Кіеве 28 кастрычніка.

Кангрэс будзе складацца з 4 секцый:
-    Трэнды медыйнага рынку Украіны і свету;
-    Кантэнт: як ствараць якасны кантэнт для анлайн-медыя;
-    Манетызацыя: удалыя і не вельмі бізнэс-мадэлі ў медыях, практычны досвед, трэнды;
-    Маркетынг: прасоўванне інфармацыйнага медыя ў анлайне: практыка, новыя магчымасці.

Плануецца, што сёлета Кангрэс збярэ каля 150 удзельнікаў і топ-менеджараў інфармацыйных і навінавых медыяў, у тым ліку спікераў і калег-крактыкаў з Польшчы, Славакіі, Швецыі. Ва ўдзельнікаў будзе магчымасць не толькі атрымаць свежыя ідэі і пачуць меркаванні калег, але і пакамунікаваць з імі ў нефармальнай абстаноўцы. 

Кангрэс будзе асабліва цікавы супрацоўнікам рэгіянальных СМІ. Праграму леташняй сустрэчы можна паглядзець тут

Тром выбраным удзельнікам Прэс-клуб дапаможа атрымаць фінансаванне для ўдзелу ў Кангрэсе. Для гэтага неабходна запоўніць заяўку не пазней за 18 жніўня. Перавага будзе аддавацца рэдактарам рэгіянальных СМІ, а таксама тым удзельнікам, якія

а) разумеюць, як атрыманыя веды могуць стасавацца з медыя-стратэгіяй іх выдання і як яны могуць быць выкарыстаныя ў паўсядзённай працы іх рэдакцыі;

б) плануюць апублікаваць артыкул пра гэтую падзею (напрыклад, для сайта Прэс-клуба ці для іншага выдання).

 

Глядзіце таксама матэрыял па выніках мінулага Кангрэса, падрыхтаваны Настассяй Роўдай для сайта Прэс-клуба: 

Знайдзіце тое, за што вас палюбяць. Дзесяць трэндаў у журналістыцы, зафіксаваных падчас медыякангрэса ў Кіеве

 

 

Партнёры прэс-клуба