Мінск, вул. Веры Харужай 3, офіс 601
+375 33 361 57 48
Стаць сябрам Меню Зарэзерваваць зал

Сацсеткі для беларускіх журналістаў. Досьвед "Радыё Свабода"

Дзе: 
Прэс-клуб (вул. Веры Харужай, 3-601)
Дата падзеі: 
14.06.2017 - 19:00
Мова падзеi: 
беларуская
Крыніца падзеі: 
Інфармацыя ад арганізатараў
Для каго: 
для журналістаў і рэдактараў

14 чэрвеня а 19.00 запрашаем на адкрытую лекцыю Францішка Вячоркі.

Чаму журналісты мусяць ісьці ў фэйсбук і аднаклясьнікі? Як афармляць кантэнт з разьлікам на розныя сеткі? Як сусьветныя трэнды інтэрнэт-журналістыкі зьменяць беларускую мэдыясфэру ўжо ў 2018 годзе?

За некалькі гадоў колькасьць падпісантаў Радыё Свабода ў фэйсбуку вырасла з 3 тысячаў да 100 тысяч, у Інстаграме - з 0 да 50 тысяч, у вКонтакте - з 3 тысяч да 50 тысяч. Радыё Свабода зрабіла стаўку на лічбавыя платформы, і прадэманстравала беспрэцэдэнтны посьпех у апошнія гады. Разам з Францішакам, каардынатарам сацыяльных сетак Радыё Свабода з 2012 да 2016 году, будзем разглядаць асаблівасьці выкарыстаньня розных сацыяльных платформ беларускімі СМІ, плюсы і мінусы платнай рэкламы. Таксама лектар распавядзе пра інструмэнты стварэньня і прасоўваньня аўдыёвізуальнага, тэкставага і інтэрактыўнага кантэнту, жывыя трансьляцыі на адну і некалькі платформаў. 

Фармат падзеі: лекцыя-прэзэнтацыя на прыкладах Радыё Свабода.

Францішак Вячорка - каардынатар сацыяльных сетак Радыё Свабода з 2012 да 2016 году, раней працаваў на тэлеканале ”Белсат”. Скончыў Варшаўскі ўнівэрсытэт па спэцыяльнасьці ”Public Relations i мэдыямаркетынг”, цяпер навучаецца ў магістратуры American University (Вашынгтон, ЗША) па праграме ”Міжнародная камунікацыя”. Зьяўляецца выпускніком праграмы Дзярждэпартамэнту ЗША ”Digital Communication Network”, ляўрэатам журналісцкай стыпэндыі Вацлава Гаўла, а таксама праграмы ”Лідэры грамадзянскай супольнасьці” ад Open Society Foundations. Сярод іншага, выступаў трэнэрам Бюро міжнароднага вяшчаньня ЗША (BBG), а таксама ва ўнівэрсытэтах Чэхіі, Польшчы і ЗША. 

 

Партнёры прэс-клуба