Мінск, вул. Веры Харужай 3, офіс 601
+375 33 361 57 48
Стаць сябрам Меню Зарэзерваваць зал

На помнік Алесю Ліпаю можна пералічваць грошы

Грошы можна пералічваць да 23 жніўня ўключна да 17:35.

Дата падзеі: 
23.08.2019 (Цэлы дзень)

На платформе Улей  працягваюць збіраць сродкі на ўсталяванне помніка беларускаму паэту і журналісту Алесю Ліпаю да першай гадавіны яго смерці.

Інфармацыя ад ініцыятараў праекту:

Алесь Ліпай. Паэт. Журналіст. Рэдактар. Выдавец. Патрыёт.

Яго больш няма з намі – але працягваюць жыць яго шматлікія добрыя справы, якія ён зрабіў для Беларусі, радзімы, якую ён так шчыра любіў. Легенда сярод журналістаў. Ён быў першым карэспандэнтам "Радыё Свабода" ў Беларусі. А ў 1991 годзе заснаваў першую незалежную інфармацыйную агенцыю Беларусі – БелаПАН. Аўтар трох зборнікаў вершаў і тэкстаў да песень. Прадзюсар беларускага кіно, якое здымаў Андрэй Курэйчык. Паводле яго ідэяў узнікла першая інтэрнэт-газета Беларусі Naviny.by, а БелаПАН стаў генеральным партнёрам свята «БНР – 100!» 25 сакавіка 2018 года.

Алесь заўчасна памёр 23 жніўня 2018 года. Да першай гадавіны яго смерці родныя, калегі і сябры ўсталююць помнік на яго магіле, у мястэчку Рудзенск за 40 км ад Мінска. Тут пахаваныя таксама яго маці і сястра. Мы лічым, што постаць Алеся і ўсе добрыя справы, якія ён пакінуў пасля сябе, вартыя памяці. І вартыя помніка.

Помнік стварае беларускі скульптар Вадзім Мацкевіч.

Крыніца і фота

Партнёры прэс-клуба