Мінск, вул. Веры Харужай 3, офіс 601
+375 33 361 57 48
Стаць сябрам Меню Зарэзерваваць зал

Медыясняданак з праектам "Дбаю"

Дзе: 
Прэс-клуб (вул. Веры Харужай, 3-601)
Дата падзеі: 
21.01.2020 - 11:00
Да: 
21.01.2020 - 13:00
Для каго: 
для журналістаў, блогераў

Запускаецца ўнікальны сацыяльны бізнес, які будзе зарабляць для рэалізацыі некамерцыйных гарадскіх праектаў ды ініцыятываў. 

«‎Дбаю» — гэта гарадскі рэстаран і пляцоўка для івэнтаў.  70% іх чыстага прыбытку будуць накіроўвацца на падтрымку гарадскіх праектаў ды ініцыятываў. Астатнія 30% — прафесійным рэстаратарам, якія адказваюць за камерцыйную паспяховасць праекта.

Стваральнікамі і стваральніцамі праекта стануць 350 сацыяльна актыўных людзей горада, якія публічна падтрымаюць праект аднолькавымі ўнёскамі ў эквіваленце 1000 даляраў. Потым менавіта гэтыя людзі рэгулярна будуць вызначаць, якія ідэі і гарадскія праекты будуць падтрыманыя.«‎Дбаю» дазволіць маштабаваць першапачатковыя ўнёскі заснавальнікаў і спрыяць пазітыўным зменам у Мінску працяглы час. 

  • У чым унікальнасць гарадскога праекта «Дбаю»?
  • Колькі ён будзе зарабляць для гарадскіх праектаў ды ініцыятываў?
  • Ці магчыма зрабіць бізнес празрыстым, а рэстаран з нулявымі адыходамі?
  • Якія мэты ставяцца перад праектам і навошта ён Мінску?

 

На гэтыя ды іншыя пытанні гатовы адказаць арганізатары, бізнес-партнёры ды першыя заснавальнікі праекта. Вас чакае адкрытая размова з камандай. Нездарма гарадскі праект пазіцыянуецца як празрысты і публічны.

Хто адкажа на пытанні:

Марына Штрахава, менеджэрка сацыяльных праектаў

Адарка Шут, PR & Event manager 

Антон Неміровіч, брэнд-шэф і саўладальнік LeGosse Cafe (Мінск)

Аляксандр Гаўрыш, кіруючы партнёр LeGosse Cafe (Мінск)

Максім Пучынскі, гарадскі актывіст, Мінскае роварнае таварыства

Дар'я Жук, кіруючы партнёр COBALT, Беларусь

Дар'я Гайдучык, юрыст COBALT, Беларусь

Калі ласка, рэгіструйцеся на медыясняданак. Рэгістрацыя будзе даступная да 20-га студзеня, да 16 гадзін. Арганізатары пакідаюць сабе права адбору ўдзельнікаў (ніц) сустрэчы, таму чакайце дадатковае запрашэнне на пошту.

 

 

 

Партнёры прэс-клуба