Медыя і культура: адказ на крызіс. Круглы стол

Алексей Андреев Андрей Александров искусство и медиа круглый стол культурная журналистика Монолог
21 лютага, аўторак
Медыя і культура: адказ на крызіс. Круглы стол

Прэс-клуб і літаратурна-мастацкі альманах “Маналог” запрашаюць журналістаў і рэдакцыі ўзяць удзел у круглым стале “Онлайн і офлайн медыя і культура ў час палітычнага і эканамічнага крызісу”, які адбудзецца ў аўторак, 21 лютага а 12:00 у памяшканні Прэс-клуба па адрасе: вул. Веры Харужай 3, офіс 601.

У якасці экспертаў выступяць: галоўны рэдактар альманаха “Маналог” Аляксей Андрэеў, пісьменнік, мастак, выдавец Адам Глобус; культуролаг, мастацтвазнаўца Сяргей Харэўскі; старшыня Беларускага ПЭН-цэнтру, паэт Андрэй Хадановіч; галоўны рэдактар і выдавец “Белорусского журнала” Андрэй Аляксандраў.

Мадэратар – дырэктар Галерэі tut.by, мастацтвазнаўца Таццяна Бембель.

Удзельнікі абмяркуюць ролю культурніцкіх медыя-праектаў у развіцці грамадскага дыялогу і падтрыманні міру; пагавораць пра тое, як уплывае на эфектыўнасць і запатрабаванасць медыйнага праекта яго онлайн і офлайн форма; адкажуць, ці маюць сэнс захады па пашырэнні інтарэсу да культуры, калі грамадства знаходзіцца ў эканамічным і палітычным крызісе. Ці змогуць мастацтва і культура змяніць вектар напружання і вырашыць унутраныя супярэчнасці ў грамадстве, наладзіць добрыя адносіны з суседнімі краінамі?

Уваход на падзею вольны пры ўмове папярэдняй рэгістрацыі (кнопка «Зарэгістравацца на падзею»).

Даведка

«Маналог» — штогадовы літаратурна-мастацкі ілюстраваны альманах. Выдаецца ў Мінску з 1997 году.
Высокія патрабаванні, якія рэдакцыя прад’яўляе да тэкстаў і ілюстратыўнага матэрыялу, дазваляюць ствараць культурны прадукт, здольны перажыць час і стаць сведчаннем культурнай сітуацыі свайго часу.

Сярод падпісчыкаў «Маналога» найбуйнейшыя бібліятэкі свету, у тым ліку Нобелеўская бібліятэка, Бібліятэка Кангрэса ЗША, Ню-Ёркская Публічная Бібліятэка, нацыянальныя бібліятэкі Аўстрыі, Вялікабрытаніі, Германіі, Канады, Польшчы, Расіі, Францыі, і інш. «Маналог» атрымліваюць кафедры славістыкі вядучых навучальных і навуковых устаноў розных краін свету.

Двадцать год існавання праекту — гэта каля 400 арыгінальных тэкстаў і больш за 200 імёнаў: пісьменнікаў, паэтаў, мастакоў, фатографаў, рэжысёраў, акцёраў, арткрытыкаў — тых людзей, якія ствараюць сучасную культуру Беларусі.

З мэтай пашырэння кола чытачоў «Маналог» выйшаў на краўдфандынгавую пляцоўку talaka.by: да 5 сакавіка працягнецца падпіска на новы нумар. Падпісацца можна па спасылцы: http://www.talaka.by/projects/1774/overview

Падзяліцца:

16 лютага 2017 года
Перадрук матэрыялаў press-club.pro магчымы толькі з дазволу рэдакцыі. Падрабязней...
Press Club BelarusПадзеiМедыя і культура: адказ на крызіс. Круглы стол

Падпішыся на нашу медыйную рассылку!

Кожны тыдзень атрымлівай на пошту: якасныя магчымасці (гранты, вакансіі, конкурсы, стыпендыі), анонсы івэнтаў (лекцыі, дыскусіі, прэзентацыі, прэс-канферэнцыі) і карысны кантэнт

Падпісваючыся на рассылку, вы згаджаецеся з Палітыкай канфідэнцыйнасці
Мы выкарыстоўваем файлы cookies. Правілы канфідэнцыйнасці
Прыняць