Мінск, вул. Веры Харужай 3, офіс 601
+375 33 361 57 48
Стаць сябрам Меню Зарэзерваваць зал

Майстар-класы Belarus in Focus: 1000 еўра на тэкст тваёй мары!

Дзе: 
Прэс-клуб (вул. Веры Харужай, 3-601)
Дата падзеі: 
11.05.2017 (Цэлы дзень)
Да: 
12.05.2017 (Цэлы дзень)
Мова падзеi: 
английский
Дэдлайн падзеі: 
05.05.2017
Крыніца падзеі: 
Прэс-клуб
Для каго: 
для журналістаў і рэдактараў

Прэс-клуб абвяшчае набор беларускіх удзельнікаў на двухдзённыя прафесійныя майстар-класы пад кіраўніцтвам зорак айчыннай і сусветнай журналістыкі.

Майстар-класы, якія пройдуць у Мінску 11-12 мая, стануць завяршальным этапам міжнароднага конкурса журналісцкіх работ, прысвечаных Беларусі – Belarus in Focus ("Беларусь у фокусе"). УВАГА! Дэдлайн для падачы заяўкі - 5 мая!

Беларускія ўдзельнікі запрашаюцца, каб супольна папрацаваць з найлепшымі міжнароднымі журналістамі, што цікавяцца Беларуссю, над тэмамі для артыкулаў, патэнцыйна цікавых міжнародным СМІ.

Падчас майстар-класаў вы зможаце:

-      навучыцца паспяхова прэзентаваць свае ідэі, распрацаваныя тэмы для артыкулаў пра Беларусь рэдактарам міжнародных медыяў;

-      пазнаёміцца і папрацаваць разам з пераможцамі конкурсу Belarus in Focus 2016 – Іллёй Азарам (Расія), Алёнай Саўчук (Украіна) і іншымі, усталяваць з імі прафесійныя кантакты, наладзіць супрацу і распрацаваць сумесныя праекты;

-      папрацаваць разам з замежнымі і беларускімі журналістамі над тэмамі для артыкулаў пра Беларусь пад кіраўніцтвам журы конкурсу – Міхала Патоцкага з Dziennik Gazeta Prawna і Таццяны Рэпкавай з Media Managers Club

-      паслухаць адкрытыя лекцыі журы і пераможцаў конкурсу ў першых шэрагах

Лепшая ідэя, распрацаваная падчас майстар-класаў, атрымае эквівалент EUR1000 на яе рэалізацыю.

Для удзелу ў адборы на майстар-класы, запоўніце, калі ласка, заяўку да 5-га мая. Вынікі адбору будуць паведамленыя 5-6 мая.

Перавага будзе аддадзена матываваным удзельнікам з добрым узроўнем размоўнай англійскай мовы (некаторыя трэнеры і ўдзельнікі майстар-класаў – англамоўныя).

Конкурс Belarus In Focus арганізаваны Інфармацыйным офісам “Беларусь у фокусе” пры падтрымцы Міжнароднага Вышаградзкага Фонду і пройдзе ў шосты раз. Партнёр праекту – Прэс-клуб.

Партнёры прэс-клуба