Мінск, вул. Кісялёва, 12-2н, пам. 29
+375 33 361 57 48
Стаць сябрам Меню Зарэзерваваць зал

Адкрытая дыскусія "Ці ёсць у нас будучыня з атамнымі электрастанцыямі?"

Дзе: 
Прэс-клуб (вул. Веры Харужай, 3-601)
Дата падзеі: 
24.04.2018 - 18:30
Да: 
24.04.2018 - 20:30
Уваход:
Па рэгiстрацыях
Мова падзеi: 
беларуская
руская
ангельская
Крыніца падзеі: 
Прэс-клуб
Для каго: 
для журналістаў
для грамадзкіх актывістаў
Для блогераў

Запрашаем на адкрытую дыскусію "Ці ёсць у нас будучыня з атамнымі электрастанцыямі?", прысвечаную бяспецы Беларускай АЭС. У якасці спікераў мераспрыемства выступяць эксперт Greenpeace Ян Хаверкамп, прадстаўнікі ГА “Экадом” і Беларускай партыі “Зялёныя”.

Удзельнікі дыскусіі:

  • Ян Хаверкамп (Jan Haverkamp), эксперт і кансультант “Грынпіс” па пытаннях ядзернай энергіі і энергетычнай палітыкі ў Цэнтральнай і Усходняй Еўропе;
  • Таццяна Новікава, каардынатар Беларускай ядзернай кампаніі;
  • Анастасія Дарафеева, кіраўніца Беларускай партыі “Зялёныя”.

Напярэдадні 32-ой гадавіны Чарнобыльскай радыяцыйнай катастрофы жыхары Беларусі традыцыйна задаюцца пытаннем пра яе наступствы, пра мэтазгоднасць і рызыкі будаўніцтва Беларускай АЭС. Улады і атамныя лобі пераконваюць грамадзян у тым, што сучасныя тэхналогіі атамнай энергетыкі ўлічваюць сумны вопыт радыяцыйных катастроф, і што кіраванне рызыкамі стала істотна лепшым, што бяспека сучасных АЭС палепшылася ў шмат разоў, у тым ліку, дзякуючы сістэме незалежнага канролю. У прыклад прыводзяць і стрэс-тэсты, якія былі праведзеныя ў 2012 годзе для еўрапейскіх АЭС пасля Фукусімы, з мэтай павышэння ўстойлівасці да знешніх фактаў, такім як землятрусы, цунамі, павадкі і іншае.

Стрэс-тэсты для Беларускай АЭС пройдуць незалежную еўрапейскую экспертызу толькі ў гэтым годзе. Наколькі яны могуць змяніць сітуацыю з парушэннямі і здарэннямі пры будаўніцтве АЭС у Астаўцы? Ці змогуць яны на практыцы знізіць яе рызыку і павысіць устойлівасць? Для чаго еўрапейская супольнасць і суседняя Літва патрабавалі правядзення гэтых стрэс-тэстаў Беларускай АЭС? Якія могуць быць вынікі стрэс-тэстаў і ці зможа гэта працэдура паспрыяць празрыстасці будаўніцтва? Ці зможа беларуская грамадскасць дамагчыся спынення будаўніцтва, па прыкладу сваіх еўрапейскіх калег?

Гэтыя і іншыя пытанні пасля кароткіх прэзентацый абмяркуюць эксперты_кі з аўдыторыяй.

Рэгістрацыя на падзею.

 

Партнёры прэс-клуба