Мінск, вул. Кісялёва, 12-2н, пам. 29
+375 33 361 57 48
Стаць сябрам Меню Зарэзерваваць зал

Журналісту Hrodna.life Руслану Кулевічу адмовілі ва ўзбуджэнні крымінальнай справы па факце яго цялесных пашкоджанняў

Руслану Кулевічу і яго жонцы Таццяне, паведамляе Hrodna.life, адмовілі ва ўзбуджэнні крымінальнай справы па факце прычынення ім цялесных пашкоджанняў. Адказ са Следчага камітэта за подпісам следчага Т. С. Сахарчук прыйшоў адзін на дваіх.

«У адпаведнасці з патрабаваннямі КПК Рэспублікі Беларусь паведамляю Вас аб тым, што па факце прычынення вам 11.08.2020 цялесных пашкоджанняў на падставе п. 2 ч. 1 арт. 29 КПК Рэспублікі Беларусь прынята рашэнне аб адмове ва ўзбуджэнні крымінальнай справы», — паведамілі ім.

Рашэнне можна абскардзіць начальніку УСК па Гродзенскай вобласці, пракурору Гродзенскай вобласці або ў суд. Ці скарыстаюцца яны такім правам, Руслан і Таццяна пакуль не вырашылі.

Hrodna.life вядома, што іншым гродзенцаў таксама прыйшлі адмовы ва ўзбуджэнні крымінальнай справы. Некаторым адказы не прыйшлі, хоць тэрмін праверкі мінуў.

Руслана Кулевіча і яго жонку Таццяну затрымалі з ужываннем сілы ў краме на вул. Дарвіна 11 жніўня. Таццяну адпусцілі ноччу ў той жа дзень. Руслана асудзілі на сем сутак нібыта за ўдзел у несанкцыянаванай акцыі пратэсту, але 13 жніўня адпусцілі. Пасля затрымання і збіцця пры транспарціроўцы і ў ізалятары ў яго былі зламаныя дзве рукі, а яго сям’я сутыкнулася з негатывам у іх адрас.

Руслан Кулевич: «Я не ожидал, что будут так издеваться»

Крыніца: Hrodna.life

На фота Руслан Кулевіч у жніўні пасля затрымання / Hrodna.life  


Ещё по теме:

Проект «Пресса под прессом» – о том, что происходило и происходит с независимыми медиа и журналистами в Беларуси с августа 2020 года

Охота на журналистов в Беларуси. Видео пресс-конференции с главредами

Марина Золотова: «В эту профессию мы шли именно потому, что не сдаёмся вот так просто»

 

Партнёры прэс-клуба